غضبــان يا بلدي

من طرف فريق العفة السبت مايو 05, 2012 10:02 am

ذنبى أيه يا بلد علشان أموت
ذنبى ايه انى اتخرس لما طلعلى صوت...
ذنبى أيه انى ادفن وسط التراب...
ذنبى ايه تسرقى منى الشباب...
لا عشت فيكى حرامى ولا كنت ابدا حوت...
..........................................................
أمى حبيبتى بعدى لازم هتعيش يتيمة...
أصل انا كل حياتها ..وذكراها القديمة...
مين بعدى يمسح دمعها ويطفى نار الجرح...
الحزن عشش فى قلبها وطار بعيد الفرح...
كان نفسى أرفع راسها واعيشها كريمة...
.......................................................
غلبان انا يا وطن.. ليه بس تألمنى...
سبعين مواطن انا..مين قالك اظلمنى..
كان كل يوم فى حياتى بحلف واقول الوطن..
ولما جيت تكافأنى اديتنى علمك كفن..
قولى جريمتى ايه..وأنا اقولك اقتلنى...
_____
بقلم : محمد سعيد خضــر
_______
منقول من صفحتنا في الفيس بوك
أنــــا هكون يوسف وانتي هتكوني مريم ومش هنحب الا ازواجنا